Wie heisst die Stadt
de kennsch si
es kha kei anderi sii
als Basel, Basel, my Basel do am Rhy!

Dr schönschti Zolli uf dr Wält 
liggt links vom Rhy, dört liggt au s  Gäld
die glaini Stadt het Perle
der Tierpark "Langi Ehrle".
Und jede Daag, am Morge frieh,
gsehsch d'Gmieslere dr Waage zieh
vom Elsass kunnt si ufe Märt,
drum isch dä Märt so liebenswärt

Die Stadt, die kennt e jede
es  kha kei anderi sii,
s isch Basel, Basel, my Basel am mym Rhy!

Do bruchsch au nit in d'Ferie, 
noch Kenya und Allgerie,
wär do derheim isch, muesch versthoh
dä duet an d' "Rhy-viera" goh..
Und wenns bölleret im Januar
isch jedem glaine Knöpfli klar,
denn duet der Wild-Maa danze
ufem Vater-Rhy sim Ranze

Die Stadt, die kennt e jede
es kha kei anderis sii
als Balsel, Basel, my Basel do am Rhy

De Buebe sehsch's de Handglängg ah,
ob eine spöter Ruesse kha
und d Meitli muesch begriffe,
die könne nur guet Pfyffe!
Und wome die beschte Läggerli backt..
in friehe Sääge Fasnacht macht,
dört lüüchte denn statt Stärne,
drei Nächt lang nur d'Latärne.....

Wenn all mir zue Dir luege
denn wirds nit aders sii
bliibt Basel, Basel, die schönschti Stadt am Rhy !!!