klein.jpg (1484 Byte)
Sri Lanka
Sri Lanka isch än Insle, öpä anderthalbmal so gross wie dSchwiz, und befindet sich adä Südspitze vo Indie. S.L. isch en eigene Staat, früener häts Ceylon gheisse und hät zu Indie ghört. DIwoner heissed Singhalese und Tamile, wobi mer beachte mues, das die beide Gruppe verschidenen Ursprungs sind, au wämer vo usse nöd unbedingt än Underschied gset. Es isch durchgehend zwüsched 25 und 40 Grad heiss und sehr füecht. DVegetation bestat villerorts us Rägewald, au det womir gsi sind ischdä Jungel bis an Strand fürecho. Idem Jungel ine händ dBewohner iri Hüsli ufgstellt mit schmale Verbindigspfäd, det wo dTuriste sind, chamer no knapp Strass säge. A propos Touriste: Häts det une zimlich wenig. Im Juli sind am Strand höchstens 50 Touriste gsi, und das isch sehr agnem.
sri-palmhill.JPG (8935 Byte)
Das isch die wunderschön Ussicht vom Tempelhügel obenabe uf dBucht vo Unawatuna.
sri-unterg.JPG (19632 Byte)
Und das isch dä Sunneundergang womer immer ca. am halbi 7 vom Tempelhügel us gset.
sri-wickbucht.JPG (14238 Byte)
Nomal dUssicht ufd Bucht, ufem Felsä ich.
sri-beachni.JPG (15440 Byte)
Das isch dä Unawatuna-Beach, die Person vorne links isch sone Verchäuferin, wo versuecht iri Tüecher und Wickelröck loszwerdä. Hartnäckig, aber nöd eso nervig wie z.B dVerchäufer  in Spanie. Hine idä mitti, ich.
sri-mischfussb.JPG (22035 Byte)
Im Vordergrund mini Begleiterin Mischi S. us B. Im Hintergrund dUnawatuna Beachboys am Fuessball spilä.
sri-mischugee.JPG (9002 Byte)
Und wämer schograd bidä Mischi sind, da isch auno grad irä singalesischi Fründ Geeth. DMischi isch scho szweitmal in Sri Lanka gsi, und befindet sich zurzit au wider det.
sri-geeth.JPG (17719 Byte)
Nomal dä Geeth, hilft zitwiis im King Fisher`s mit, hät aber susch kän Bruef. Drum häter welä is Militär, wil det vill Gäld versproche wird. Sin Vater cha nöd schaffe und so mues er alles Gäld bringe.
Ich mues vilich no sägä, dass zurzit Bürgerchrieg in Sri Lanka herrscht. Es gat drum, wer dMacht imene chline Gebietsteil ganz im Norde überchunt. Würd also dä Geeth is Militär, müest er au bald in Chrieg und würd er det falle, meint er, chämt sini Familie vill Gäld über. Das isch allerdings sehr zwifelhaft. Tja, Singhalese mached alles für iri Familie!
sri-strasse.JPG (14137 Byte)
Das isch ä Strass in U. Teered chamer eigentli nöd säge, überall häts Löcher im Belag. Wämer mitem TucTuc druf fahrt, holpereds dermasse, dasmer vorher besser nüt isst. TucTucs sind die chline drürädige Chäreli, wo drü Lüt plus Fahrer chönd inehocke. Mär chan anefahre womer wott, und erschtno sehr günstig. Strecke Rappi-Rüti wür z.B. öpä 2SFr. choschte.
sri-bungi.JPG (14566 Byte)
Das isch euses Bungalow gsi. DMischi hät dä Hotelbsitzer kännt, drum hämer sehr günstig det chöne huuse.      Zwei Wuche det une händ mich ca. 500.- koschted, inkl. Kost.
sri-nicjungbung.JPG (24309 Byte)
Das bin ich ufem Wäg vom Bungalow zum Hotel.
sri-miscrem.JPG (5130 Byte)
Da schmiert sich dMischi i, dämit si au ja guet gäg die pralli Sunne gwapnet isch. SBlaue näbeddra ischs Moskitonetz vom Bett, die Fiecher gits nämli au det une.
sri-beachnic.JPG (9852 Byte)
Gömer also wider zrugg an Strand: Das bin ich im wunderschön türkisblaue Indische Ozean.
sri-mischundic.JPG (21046 Byte)
Und da dMischi (r) und ich am sünnele. Aber, was macht mer eigentli susch no so, usserd bade und sünnele?
sri-peterresti.JPG (13722 Byte)
Ganz eifach, mär hängt i eis vo denä vilnä Stranbeizli und bstellt ä Fläsche Arrack. Arack isch dä iheimischi Kokosschnaps, vom Gschmack her ähnlich wie Whisky. Mer mixten mit Cola oder Sprite, und er isch eifach saubillig, und au die andere Getränk chosted fascht nüt. Ä pina colada choschtet z.B grad emal knapp 2.- Im Hindergrund: Tanzendi Lüt idä King Fisher`s Disco.
sri-petundsiri.JPG (10619 Byte)
Links, dä Peter usdä Schwiz, rechts dä Siri mit sinere blonde Perücke. Die häter amigs adä Disco agleit und hät dä Löli gmacht. Er isch ca. 1.55m chli und isch mega beweglich.
sri-sisrijoi.JPG (16788 Byte)
Das isch en nomal, da schileter und hät sones seltsams Stäbli im Mul, komisch, die Dinger hani det une no öpe gse.
sri-besofsus.JPG (10150 Byte)
Tja, und da hät öper chli zvill Malibu gha. Idä Mitti ich, beobachtet vom Susantha. Mir sind iglade gsi inä Villa vomene Singhales, dä hätmir chli Malibu gä, wilich Arack nöd alzu gern ha, es isch würkli nur ganz wenig gsi!!
sri-susantaundich.JPG (10489 Byte)
Nomal dä Susantha und ich, da gsetmer widermal, wie wiss ich gsi bin!
sri-buffet.JPG (15029 Byte)
Das isch im Hotel, senzig Mal wos äs Buffet gä hät. Ich schnidä grad ä Papaya uf, näbedra dOlivia, ä us Sri Lanka adoptierti Schwizerin.
sri-tiltöff.JPG (38923 Byte)
Und zu guter letz dä Tilak mit sim Töff, hinedruf ich. Foti vom letschtä Tag in S.L.
Im Ganze häts mir zSri Lanka sehr guet gfalle, nur sProblem mitem Flughafe, wo ja bombardiert wordä isch, hät chli a mine Nerve zehrt. In allerletschter Sekunde hani dänn doch no chönä heiflüge, nach 6 Stund am Flughafe am 3 znacht! DMischi isch no 2 Wuche länger blibä.
Übrigens: DMischi isch im Oktober sdritti mal uf Sri Lanka gange, iri Mueter wilt im Moment au grad wider det.

 

Back