Gwidmet a unsere liebe Daniel Meyer

Jooresdag 23.07.2000 - 23.07.2001

( Gebore am 29.04.1976 - Verstorbe am 23.07.2000 )

( Update 23. 07. 2001 )

 



 

 

 

Liebe Freunde von Daniel

Nun ist es schon ein halbes Jahr her seit unser Daniel nicht mehr bei uns ist. Viel Trauriges hat uns während dieser Zeit begleitet. Das Traurigsein um diesen Verlust wird auch immer ein Teil unseres Lebens bleiben. Trotzdem gab es aber auch mildere und vor allem trostreiche Momente. Zu denen gehört sicherlich das Lesen der vielen schönen Zeilen dieser Seite. All die Gedanken um Daniel, welche hier niedergeschrieben wurden, trösten uns und helfen die Schmerzen dieser Zeit zu lindern.

Wir sind sehr froh und dankbar, dass Georit eine solch wunderschöne Idee, in Form eines Mediums, welches so treffend zu Daniel passt umgesetzt hat. Dass so viele Freunde und Bekannte von Daniel darauf reagiert haben und es immer noch tun – sei es in Gedanken oder hier auf dieser Seite - berührt uns sehr! Aus ganzem Herzen danken wir darum allen für dieses Geschenk.

Mit lieben Grüssen Dorli und Markus Meyer Thomas und Noèmie

PS: Lieber Georit, Dir noch einen speziell herzlichen Dank für die wunderbare Idee der Web-Site



 


Ich ha als mini Pflicht empfunde Ihm e Widmig z'schribe, denn er isch in kurzer Zyt zumene guete Fründ vo mir worde.

Er wär jetz denn gli 24 Joor und 3 Mönet alt worde. Leider kame unsre Schicksal nit selber bstimme, und me wird halt gruefe, wenn mes am wenigste erwartet. Aber s' Läbe isch, wie mes gseh het, nie grecht. Und es ligt jetz a uns, wie me drmit könne witerläbe. Er het sini liebi Eltere und sin Brueder und vili Kollege und Kolleginne hinter sich glo und isch jetz nöeme, wo es Ihm besser goht. Ich ka kuum e Satz über Ihn schriebe, ohni dass ich in träne usbrich, es goht mir halt sehr ans Härze. Ich ha no am Wuchenänd mit Ihm glache und erscht letschti Wuche über unseri Zuekunftsplän gredet, aber ebe, me ka sini Plän halt nit schmiede, wie mes gärn wötti.

Denn dr Schicksal het anderi Plän für Ihn ka.

Er isch für mich e Vorbild gsi, in Sache Disziplin, und was me ka alles erreiche, wenn mes nur will. Usserdem isch er als Mensch en ufgstellte junge Ma gsi, wo het könne mit siner Ustrahlig sini Umgebig zum erblüehe bringe. Für mich isch er in jeglicher Hisicht e Mensch gsi, wo mi ufbaut het. Sini Art und Wies z' lebe het mir eifach zum dänke geh. Er het alles erreicht, was me i somne junge Alter ka eigentlig erreiche. Er isch eifach öper gsi, wo het könne das dureziehe, was er sich vorknoh het. Und das isch für mich e unglaubligi Leistig.

Er isch eifach en sehr liebe, ufmerksame, gfühlvolle, fröhliche Mensch gsi und er wird mir seeeeeeeehr fehle !!!


Georit Odathekal
jj@prolove.ch

 

 

Als aller erstes möchte ich mein Beileid an die ganze Familie aussprechen, und Ihnen die ganze Kraft und Willen wünschen , den Sie bestimmt brauchen werden.

Es ist ein schwerer Schicksal der uns alle getroffen hat, denn niemand, aber wirklich niemand hätte jemals ahnen können was auf uns zu kommen würde.
Ich kannte Daniel noch nicht so lange. Aber das bisschen, nur das kleine bisschen Freundschaft die zwischen uns war, hat schon gereicht um zu erkennen was Daniel für ein offenherziger, lebensfreudiger, sympathischer, ehrlicher .... Mensch er war. Als wir zusammen redeten, kam es mir vor als ob wir uns schon seit einer ewigkeit kennen würden ....... sorry, aber es ist nicht so einfach in solch einem Moment den Emotionen freien lauf zu geben.
Am Donnerstag, letzte Woche waren wir noch zusammen tanzen, und unser letzter Abschiedshandschlag war am Sonntag, 23.07.2000 ca .um 01.30. Aber wer hätte das jemals gedach,t dass dieser Abschied für immer und ewig sei .... ? Manchmal frage ich mich warum ich Morgens aufstehe um zu arbeiten, warum ich mich weiterbilde, warum ich mich vom Chef anschreien lasse.... Alles das hat doch keinen Sinn wenn plötzlich unerwartet das Schicksal zuschlägt. Ich bin mir sicher, dass er nun von dort oben zu uns herabschaut und durch diese schwere Zeit helfen wird.

Daniel , mit deinem Tod sind viele Lachen von unseren Gesichtern mit dir gegangen. Es ist so schwer zu akteptieren das was geschehen ist.

DICH ZU MÖGEN WAR LEICHT .
DICH ZU VERGESSEN IST UNMÖGLICH

In Liebe Alex
Fragale Alessandro

 


 

Alli rede vo Gerächtigkeit, doch wo isch si wenn me si brucht? Isch das wo passiert isch öbbe gerächt? Wenn`s denn so isch, isches kei Wunder dass d` Menschheit s Gfühl für Gerächtigkeit immer mehr verliert, denn si isch anschienend am ungerächtischte vo allem süscht hät dr Daniel nid so frieh müesse vo Uns go.

Är wird Uns sehr Fähle !!

Angelo






Als erstes möchte ich mein Herzlichen Beileid an die Familie Meyer aussprechen.

Hallo Daniel
Wir kennen uns nicht seit langer Zeit, und doch hab ich dich seit der ersten minuten unserer Bekanntschaft gut gemocht.
Du bist ein wirklich super nette, anständiger, höflicher und lebensfreudiger ..........junger Mann!!
Wo du mich auch je gesehen hast, hast du immer die Zeit gefunden mir zu frangen wie es mir geht und ein lächeln geschenkt!!

Ich kann es immer noch nicht fassen!?!
Ich kann und ich will es nicht glauben!!

Ohne Dich wird etwas ganz wichtiges in unserem da sein fehlen! Dein plötzlicher verschwund hat uns nicht nur das Herz sondern auch die Seele gebrochen.
Daniel, DU bist in wirklichkeit nicht weit weg. DU bist hier bei uns in unseren Herzen!!! Denn ein Teil von Dir wird in uns weiterleben!! Und glaube mir eines Tages werden wir alle wieder zusammen sein,dass verspräch ich Dir!!!!!

DU BIST DER SCHÖNSTE ENGEL DEN ICH JE KENNEN GELERNT HABE, ICH WEISS DU WIRST AB JETZT ÜBER UNS WACHEN !

Ich werde dich sehr vermissen !!!

IN EWIGE FREUNDSCHAFT SOFIA CONCETTA





Ach Daniel, was isch passiert, ich chas eifach immer no nit glaube, uf ei Schlag bisch vo uns gange! Es isch unglaublich und es will mir eifach nit us em Kopf, all daag muess ich an dich denke!

Ich kenn dich jetzt scho rund 10 joor,weisch no wo mir uns im Liechtathletik kenne glernt händ, wo uns Trainerin immer wieder e Extratraining uffbrummt het will mir während em Training zviel Witzli gmacht hend. Oder e paar joor spöter wo du mich all wuchenänd mit em Auto ins Playa mitgnoh hesch und natürlich im Winter wo mir immer mit de Fründe e wuche ins Wallis (Rosswald) go snowboarde sind, du bisch dört immer de gsi wo zerscht uffgstande isch, damit mir jo nit verschlofe und dr Neuschnee verpasse!

Wenn ich jetzt und in Zukunft an dich wird denke, werde mir immer die schöne Erinnerige vo Dir in Sinn cho und das isch guet so, den mir dörfe jetzt nit verzwiefle das isch sicher au nit in dim Sinn. Ich weiss du luegsch jetzt uf uns und vor allem uf din jüngere Brueder Tom und dini liebe Eltere, damit mir alli mit dem schwere Schicksalschlag chönne witerlebe. Und irgendwenn do bin ich ganz sicher, werde mir uns wieder gseh und denn werde mir wieder wie in alte Ziite, tolli Sache mitenander unterneh!

Daniel du wirsch mir sehr fehle !!!

 

Patrick Bärenfaller




I ha dr Daniel im Februar 1999 i dä Skiferiä ds`Rosswaud kennäglert. I u mini Kollegi si im Restaurant gsi, wo är plötzläch mit sinä Kollegä isch inächo u numä grad äs paar Tischä näbä üs isch abghockät.
Am glichä Abä hei mir si när o ir Gery-Bar atroffä. Si hei üs a ihrä Tisch übärägrüäft. I u dr Daniel si denn gägäüber ghockät u hei dr ganz Abä zämä gred- eifach chlei über auäs, wo üs grad d`Sinn isch cho.
Sini Gsichtsusdrück wo är gmacht het, we är mir öbbis luschtigs verzeut het, hei mi ging zum lachä bracht. Wo mir när gägä Morgä zuä ufäm Wäg zu üsäm Hüsli si gsi, hei mir scho umä fürä nächscht Tag uf dr Pischtä abgmacht.
I ha denn ersch grad agfangä mit Snowboardä. I weisäs no genau, wiä ig mi dürä Schnee kämpft ha, für äs paar Kürveli häräzbringä. Fasch au Meter bi ig umä am Bodä glandät, aber zum Glück isch dr Daniel da gsi, wo mir när aubä ghoufä het. Mir si dr ganz Tag zämä uf dr Pischtä gsi u är het viu Gedoud mit mir gha. Gägä Ändi vor Wuchä zuä, ha ig när di ganzi Sach veiächlei im Griff gha. I bi ämu überau abächo, irgändwiä!
I bi ämu überau abächo –irgändwiä! Diä Wuchä z`Rosswaud isch schnäu verbi gsi. I u dr Daniel hei dr Kontakt niä verlorä. Mir hei änang ging E-Mail gschickt u so ging z`neuschtä ustuscht, wasäs so z`verzeuä het gä. Eigäntläch hei mir üs scho lang mau wöuä träffä u zämä redä, aber irgändwiä isch das när niä so richtig d`Schtang cho.

Bis am 17. Juni 2000, äs isch ä Samschtig gsi, wo är mi Hei isch cho psuächä. I ha mi u gfreut gha, ihn umä einisch z`gseh u ha mi ging gfragt, ob är säch äch veränderet het. Aber dr Daniel isch genau so gsi, wiä ig ihn i Erinnerig gha ha; ä fröhlächä, liäbä, verständnisvouä u guätussehendä Mönsch. Mir hei denn zämä dr Abä verbracht u heis o luschtig gha. Am Samschtig druf bi ig dr Daniel ga bsuächä. I ha denn o sini Eutärä kennäglert, wo genau so liäb zuä mir si gsi wiä dr Daniel.

Am Daniel si Tod het mi sehr troffä u o nachdänkläch gmacht. Wirum das grad är so fruäh vo üs het müässä ga, wirdä ig niä chönnä verstah. Dr Daniel isch für mi äs "Unikum" gsi. Är het ä grossä Platz i mim Härzä igno,wo ihm niemer me cha nä.

DANIEL; DU BISCH Ä CHLINÄ STÄRN AM HIMMU, WO GING FÜR MI WIRD LÜCHTÄ !

In Liebe Daniela Hurni



 



 


 

 

Dear Daniel and Friends!

Grad als ersts, ä diggs Danggschön an Georit für die glungeni Homepage.

Dr Daniel isch dä Mensch gsi, mit dem ich in dä letzte sechs Mönet mini meisti Freiziit vrbrocht ha. Mir hän uns sehr guet vrstande und hän au oft die gliche Gedanke und Idee kaa. Es git viel Situatione wo ich ihn wieder gern drby hät (die sogennante Spezz-Situatione). Er isch ä würklich charaktervolle Mensch gsi, wo jederziit genau gwüsst het was er will. Als Kolleg het er sich immer für uns igsetzt und het bi allne Problem (nit nur bi de technische Problem wie d`Kuckucksuhr in Rosswald) könne helfe.

Für mi isches unbegrifflich, dass sich dr Tod grad ihn ussgsuecht het. Er isch völlig unerwartet und überraschend usemene viel versprechende Lebe grisse worde.
Es macht mir fast Angst, dass es so schnell goh kaa und meh plötzlich ä guete Kolleg weniger het. No mehr Angst macht mir die no unbekannti und mysteriösi Todesursach. Glücklicherwiis kunnt so öppis nit allzu oft vor.

Dr Daniel het si jungs Lebe erfolgrich und mit viel abwechslig gläbt. Er hets irgendwie gschafft, s`Gliichgwicht zwüsche dä Pflichtsituatione (Schuel, Schaffe usw.) und dä Funsituatione (Ussgang, Ferie usw.) z`halte. Das macht ihn so vorbildlich für mi !

Ich wünsch sine Eltere und sim Brueder gueti Genessig und Erholig.

Dr Tod vom Daniel hinterloht bi mir ä tiefi Narbe.
Ich wird ihn und sini Art immer vrmisse.

Michi Schmid
 dynamikee@gmx.ch





Es isch au fyr mir e schock gsee, wo ich poscht duregluegt ha und die mitteilig drunter gfunde ha aber dr no grösseri isches gsii als ich hüte in dr schuel s' cherzli ha miesse an dim platz aaluege. erscht jetzt wird mir klaar das unser klassezimmer numme halb so voll isch ohni dir und das d' schtunde ewig dure, wenn i mit dir nit kaa schnure. ich weiss wo du jetzt bisch goohts dir vil besser, nur so kann i mini gedanke vo dr trurigkeit befreie. ich weiss das ich dir irgendwenn wieder wird begegne, usser das mini bahn sich in die falschi richtig würdi biege.

Vom ganze härze sprich ich mis biileid an alli, wo um ihn trure, vor allem an d' famillie und engschte fründe.

S' läbe isch z' schön, das es eifach so beändet ka wärde. suscht würd unseres dosyy gar kei sinn mache.

Antoine Niedbalski

 

Das dr Daniel gschtorbe isch het mi sehr mitgnoh, well i ha durch das mi beschte Kolleg verlohre. Mit ihm hanni eigentlich über alles chöne rede, mir hänns immer luschtig ka und nie irgendwie problem und striet mitenander ka.

I ha ihn vor e chli me als emene Joor kenne glernt, am afang hän mir nit gross öppis mitenander z'tue ka, e chli gredet und eigentlich nit meh. Nach däm mir aber im letschte Winter dr Autounfall ka hän, isch unsere Frünschaft änger worde. Mir hän vo dört wäg immer wie meh mitenander abgmacht und schlussäntlich hän mir uns jedes Wucheend gse und hän au unter dr Wuche abgmacht zum ins CH z'go oder sunsch gemütlich öppis go trinke.

Ich dänk mir, so ne Kolleg wie dr Daniel für mi gsi isch find i nüm so schnäll.

Es isch schwer zum glaube das er nüm do isch, irgendwie hofft me immer dass er uftaucht wenn me in dr Stadt isch, oder dass er alütet aber leider isches nit e so......

Michael Luginbühl
Mluginbuehl@hotmail.com

 

 

Hy Daniel,

Ich khas gar nit glaube...Jede Samschtig luegi im Baggy ob i di irgend wo gseh...aber ich find di nit.In de Ferie bini gsi,wo nie dä schweri Schicksalasschlag erfahre ha.Ich ha di zwar nonig so lang kennt,aber dass woni kennt ha het glängt!!

Ich sag numme unseri Wett hesch in mine Auge gwunne und irgend wenn chönne mir unsere Isatz verwirkliche! Ich vermiss di sehr und ich dänk viel an di! An die schöne Zite wo Du (mir)Kha hän...! Ich weiss aber au dass Du jetzt numeno schöni Zite hesch! Und ich dänk au: Du, wo immer sone ufgschtellte und fröhliche Mensch gsi bisch, würdsch nit welle dass mir alli so trure um di. Aber dass goht bi some wunderbare Mensch wie Dir nit andersch !!!

Ich wird di nie vergässe!!!

Désirée Berdat
desiree.berdat@freesurf.ch

 

 

Es fallt mr no imr sehr schwer, ebis zschriebe, aber i wills jetzt ändlich probiere. I ha di zwar numme e Johr dörfe kenne, aber du bisch so e bsunderi Person gseh, dass du mir sehr schnäll ans Härz gwachse bisch.I hätts nie für möglich ghalte, dass sone Gsundi und vrnünftige Mensch, wie du,stärbe könnti. Am Samstig no häm mr so tolli gspröch kha, du hesch zuelose könne und mir so viel vrzählt wo fü mi imr sehr wichtig si wird (und für dini Familie au). Danke für alles, ich und bestimmt alli andere wärde di nie vrgässe. I wünsch dr Familie ganz viel Kraft zum irgendwen widr könne vo Härze z`"Lache. I bi sichr das wo imr au dr Daniel isch, er das das au will.

Liebi Griess Graciela
lela.gisske@freesurf.ch

 

 

Liebe Daniel

Daniel, das wo i dir do jetzt due sage,isch nur ä chlinä Teil drvo,wo i sage will.Den dr grossi
Teil, wird in mim Härz ewigs vorhande si. Wo n`ich di s`erscht mol gseh han, bisch du eifach ä Kolleg vom grosse Brueder gsi.Han di den abr mit dr Ziit immer meh dörfe kennelernä, abr trotzdem immer no als "mim Brueder sin Kolleg."Wo n`ich den abr s`erscht mol mit dr in Usgang, und in Skiferie gange bin, han ich dich immer meh gärn becho. Mit dir chönne lache, s`luschtig ha, und eifach dörfe ä liebe Mensch kennelerne wo unkompliziert, abr trotzdäm immer korräkt, genau und fair gsi ischt.Ufgschlosse, hilfsbereit und immer ä lächle
parat cha het. Eifach ä Persönlichkeit, wo einzigartig,speziell und Charakter het. Und immer, immer wen du mi gseh hescht, hesch du di nach minä Brüederä erkundigt, und das ha ich an dir
gschätzt Daniel.Und wird ich immer schätze. Hätt di nid loh goh Daniel, wenn ich am Samschtig
gwüsst hätti, das dä fuhrt goscht. Hätt ich`s doch nur gwüsst....
Ha nämli gmerkt, bisch nüm nur mim Brueder sin Kolleg gsi, näi! Bisch au min gsi. Du wirdsch mir immer unvergässlich bliibe Daniel. Obwohl ich no nid richtig akzeptierä cha, was gsche isch.

Wird di nie vergässe.


Es goht mir au immer widr dur dr Chopf,wo ich mit dir übr mini LAP gredet ha,ich so Angscht und s`Gfühl cha ha,s`würd nüd schlimmers geh,als si nid z`bestoh,hesch mi ufgmunteret und motiviert!Und jetzt paar Mönet spöter,muss ich mit schwerem Härz gseh,chlini unwichtigi Sache,händ eifach ä vil z`grosse Stelläwärt in unserem Läbe.Und s`grosse wircklich wichtigä,goht drbi verlore. Das macht mir weh,und vorallem Angscht,weil mä wir mol gseht,das s`Läbe unberächebar und nid gerächt ischt.
Abr trotzdäm muess mä probierä so guet wie möglich drmit umzgoh.au wen dr Wäg zum Teil steinig ischt, mä dörf drbi nid untergoh.Und das wärsch du nie Daniel, das weiss ich.Und das, söll uns allne ä Stützi geh,dr Gedanke an di, und dini Stärkenä.

Gabi Bärenfaller

 

 

Lieber Daniel

... leider haben wir Dich nicht persönlich gekannt. Doch nun nach Deinem Tod, haben wir Deine Eltern kennengelernt. Ganz liebe Menschen, die wir sehr gerne haben und deren Trauer wir so gut nachempfinden können - denn wir haben letzten September auch unseren Sohn Julien verloren und leiden ebenfalls unvorstellbar fest. Der Kontakt mit Deinen Eltern gibt uns Trost und Mut und wir hoffen, dass wir ihnen auch ein wenig eine Stütze sein können, wenn sie uns brauchen. Wir sind über Eure tolle und liebevolle Familie sehr berührt. Vielleicht kennst Du, dort wo Du nun bist, ja auch unseren Julie - grüsse ihn ganz fest von uns. Wir lieben ihn so sehr, wie Deine Eltern Dich lieben - über alle Grenzen und vorbehaltlos.

Dominik & Regine Zimmermann-Hägeli
dominikzimmermann@swissonline.ch

 

 

Lieber Daniel

Nachdem wir am 22.02.2001 unseren Sandro verloren haben, rief mich Deine liebe Mami an und wir trafen uns gestern Nachmittag. Wir trauerten gemeinsam um Dich und Sandro. Wir erinnerten uns an vergangene Zeiten, wie ihr zusammen im Sandkasten gespielt habt, wie ihr den gleichen Kindergarten besuchtet. Als ich gestern Abend in Deiner Widmung die Einträge las, wurde ich sehr traurig. Warum nur, müssen zwei so liebenswerte junge Menschen so früh diese Welt verlassen? Ich sehe so viele Aehnlichkeiten zwischen Dir und Sandro. Du wurdest auch getragen von einer ganz lieben Familie und vielen Freunden. Eure Geburtstage liegen nur zwei Tage auseinander, die Informatik spielte auch in Deinem Leben eine wichtige Rolle, die Sterne sind auch für Dich zu einem Symbol geworden.

Lieber Daniel, auch wenn Du nicht mehr bei Deiner Familie und Deinen Freunden sein kannst versichere ich Dir, auch Du wirst immer geliebt und nie vergessen.

Margrit Hohler
mhohler@dtc.ch

 

 

 





Wenn Dir au öpis em Daniel wänd widme, schribet au öpis dri, und i wirds für Euch uf dere Site presentiere und spöter usdrucke und sine Eltere ushändige.       Merci

Name:
eMail-adress:
Eure Widmung an Daniel

 

 

Zruck zur Hauptsite