CO CHA LA TALPA HA SALVÀ ÜN PITSCHEN TSCHIRESCHER.
I vivaiva üna jada üna talpa. Ella vaiva sia chasa in ün prà verd. Sül prà nu creschivan ne fluors ne bös-chs. Ün di ha ün utschè pers là ün crös da tschireschas. Quist ha cumanzà a crescher. La talpa d'eira furtünada dad avair finalmaing alch per contemplar. Ella chaminaiva minchadi intuorn il tschirescher e vaiva da far attenziun ch'ingünas magliadüras nu ruslignan vi dal tschirescher. El savaiva grà e creschiva fich svelt. Bainbod d'eira'l in flur. Uossa sun svolats pro blers aviöls, ma a quels laschaiva la talpa in pos, perche ch'ella savaiva, ch'els sun necessaris per seis bös-chin. Ella sottaiva intuorn e s'allegraiva da las bleras tschireschas chi darà. Ella ha nempe vuglü implantar tuot ils crös da tschireschas per avair daplü bös-chs.
Üna bunura s'ha'la sdasdada pervi d'üna gronda canera. Ella ha stendü seis cheu our da sia chasa e che ha'la vis: Dapertuot d'eira blera glieud chi masüraiva cul meter seis prà, ed oters pichaivan aint palocs in seis prà precis intuorn seis bös-chin.Che schnuaivel! Nu saviond che tour a man è'la ida pro la glieud ed ha dumandà che ch'ella fetscha qua. Il manader tilla ha respus cha quia gnia fabrichada üna nouva staziun. La talpa ha survgni gronda temma per seis bös-chin.
La saira è'la ida pro tuot ils chans i'ls contuorns da seis prà e tils ha rovats da güdar a salvar il bös-chin. Cleramaing. Tuots d'eiran perinclets. Els han strat oura ils palocs intuorn il bös-chin, lura hana masürà oura a nouva staziun uschè, cha'l tschirescher d'eira da tschella vart. Cul agüd dals pichalains hana miss aint ils palocs sülla plazza nouva.
Il di davo es gnüda otra glieud co her per fabrichar la staziun. Ingün nun ha badà cha la staziun d'eira vairamaing progettada in ün oter lö. La talpa cultivaiva inavant seis bös-chin. Plü tard, cur cha las tschireschas d'eiran madüras, tillas ha la talpa implantadas in üna lingia sper la staziun. Ün pêr ons davo pudaivan tuot ils uffants mangiar dürant lur vacanzas fich bunas tschireschas e la talpa vaiva da far adüna attenziun chi nu capita nöglia a seis bös-chin.
d'Alena
Parablas