Hallo zur Homepage vo dr Boulesmaischterschaft

Nachdäm d’Fasnacht umme isch und es dusse au widr wärmer und früheligshafter wird,
gohts au langsam widr drumm, die nägschti Zyt z’plane....
und do het jo d’Boules Maischterschaft in de letschte paar viele Johr
doch au ab und zue Zyt beasprucht. Guet so.....

Jetzte isches aber eso, dass ich in däm Johr uf d’Organisation vonere
‚normale’ Boules Maischterschaft verzichte wird und dass es drfür mögligerwiis,
je nach Luscht, Luune und allgemeine Bedürftniss und Wünsch
Ändi Summer oder im Herbscht öppis kleiners und vorallem kürzers gäh wird.

Idee sin gärn Willkomme, ich bi relativ offe für alles!

Ich hoff ihr sin mir nid bös und könned mi Entscheid verstoh, d’EURO macht
mir sicherlich auno e Strich druch d’Rächnig; drzue hanich momentan
eifach die grösseri Luscht uf easy Boulesööbe ohni Termindruck
und vorgähne Spiel und uf spontani Mätsch gege ussgwählti Fründe.
Glaub es isch an dr Zyt, au dörte sich widr echli meh iizsetze!

Trotz allem wünsch ich euch e super Frühlig/Summer, es würd mi freue,
wenn me sich trotzdäm emole mit de Metallkugele ufeme staubige Kiesplätzli gseh würdi......

In däm Sinn, ganz e liebe Gruess vom ussetzende boulesmaster Hans-Ruedi