 |
 |
Käller Bangg 1997Mit Nasepflaschter kaasch meh laischtedrumm draage s au efang die maischte. Beamti bruuche kaini Pflaschter, die kriege au eso dr Zaschter. Dr Zircher Zolli duet jetz spriesse und gly die ganzi Stadt yyschliesse. So gän d Zircher Zoobe rueh, denn z Nacht isch jo dr Zolli zue. Ich bi nur froh bi-n-ich e Basler, zue de Zircher basst dä Harry Hasler Dä wyssi Harry muess gly ränne, suscht dien sie’n no als Böög verbränne! Dr Zircher Böög dää isch ganz Grangg, ihn steert die kaibe Basler Bangg. Wo Basler sin, gieng är nit duure, suscht flieg är wiider bees uff d Schnuure. Dr Schugger Heiri heersch grad motze das Nammensschildli sigg zem kotze. Es muess nit wisse jedermaa, dass är nit richtig schriebe kaa ... E Bättler duet sich ummequääle, well ihm au dr Stutz duet fääle ... Dä Stutz sott zrugg zer BVB, Aahänger hät är dert no meh ... Statt Tennis spielt dr Boris Becker mit Kriegs-CD vom Nyffenegger. Dr Ogi isch drumm uff en muff, sigg doch no alles gheim dert druff. Die Residänz im Joggeli basst guet zu dääne Doggeli Die Alte geehn gly yy und uus, Und die gseehn nonem Match Alt uus. Mit dr Wirtschaft goot s jetz flott voraa, d Banggsellschaft muess no Shredder haa. Wie s ne gfallt, so duet s aim schyyne, geehn sie im Wooghof us und yyne. Zem halbe Bryys kaasch jetz am Morge sSperrguet und dr Stutz entsorge. Delamuraz - Holocaust? Dä Lappi sait doch heechstens „Broscht"! Dr Bruno lyydet jetz no Quale, muess är ächt s Gold in Fonds yyzaale? Zem Gligg sin au die Dytsche hinde, suscht wurde die e Yysprooch finde! D Eeschtryycher, die hän mieh mit starte, die mien z lang uff ihr Pickerl warte ... Denn sigg no wägem B S E im Bundeshuus ai ach und weh. D Schlachtig isch zem Gligg verschoobe, suscht wär dr Bundesroot im Himmel oobe. Und bis die Schlachtig ändlig kunnt, sin d Viecher sicher wiider gsund. S Fasnachtsmotto, das isch klar, basst em Minu wunderbar ... Rutscht är uuse, darf är hoffe, är hett jo scho sy Airbag offe. Y heer e Sirene, was isch ächt au los? D Bolizei kunnt im Auto, das isch jo famos. Bin ich wach jetze oder isch s nur e Draum dä Schugger im Auto faahrt voll in e Baum! © by Käller Bangg nach uffe |
&test |
zer Aafangssyte Käller Bangg 2019 Käller Bangg 2018 Käller Bangg 2017 Käller Bangg 2016 Käller Bangg 2015 Käller Bangg 2014 Käller Bangg 2013 Käller Bangg 2012 Käller Bangg 2011 Käller Bangg 2010 Käller Bangg 2009 Käller Bangg 2008 Käller Bangg 2007 Käller Bangg 2006 Käller Bangg 2005 Käller Bangg 2004 Käller Bangg 2003 Käller Bangg 2002 Käller Bangg 2001 Käller Bangg 2000 Käller Bangg 1999 Käller Bangg 1998 Käller Bangg 1997 Käller Bangg Melodie Live us dr Beerse 2001 Live us em Spitz 2002 Live us em Spitz 2003 |