 |
 |
Käller Bangg 1998Die Mountainbike -Schugger do fahre wie d Ruechedie muesch nonem Yysatz im Spittel go bsueche! Also mir sin drgääge, das kaa sich nit loohne: Was mainsch, wenn am Änd no ain d Dreyfuess wurd kloone? Jetzt lueg nit so hässig, y ha mer nyt dänggt, sunscht hätt Dr kai Abo vom FCB gschänggt! Derby wär dr FCB nämmlig no guet, wenn me n als d Ranglischte umdraaie duet... 40-Tonne Laschtauti gsehn mir Schwyzer nit gärn - aber ohni griege mir jo dr Kohl nie uff Bärn! In Hongkong hänn sy d Hiener s letscht Joor massagriert - jetz griegsch in de Baize Tamagotchi serviert... Ych wird noo der Fasnacht my Alti verlooh - die kaa jo kai Oobe en Elch-Tescht bestooh... E Gwaltstyyr fir d Männer - das fänd ych e Hit ! S isch schaad, dass nyt Gwaltigs vo mym z brichte git... D USA-Mondsonde syg schampaar dyyr - es hoggd dängg e Joor lang dr Meili am Styyr! „Pendolino“ hänn mir unser Buscheli dauft, will s ainte wie s andere gar noonig lauft Du sotsch langsam abnäh, hesch ringsum z viil Bräät... Als Sportler empfääl ych e Tyson-Diät! Wenn ych wie d Martina uff d Bäll kennti haue, no wurd sich my Alte nimm haime gedraue! Bim Boschtraub in Ziiri, das waiss jedes Bai, liggts gar nit am Auti - nay, dr IQ isch z glai... D Vaduzer leen d Walliser ganz härzlig griesse, will sälli gärn Geier - und Haase - dien schiesse... © by Käller Bangg nach uffe |
&test |
zer Aafangssyte Käller Bangg 2019 Käller Bangg 2018 Käller Bangg 2017 Käller Bangg 2016 Käller Bangg 2015 Käller Bangg 2014 Käller Bangg 2013 Käller Bangg 2012 Käller Bangg 2011 Käller Bangg 2010 Käller Bangg 2009 Käller Bangg 2008 Käller Bangg 2007 Käller Bangg 2006 Käller Bangg 2005 Käller Bangg 2004 Käller Bangg 2003 Käller Bangg 2002 Käller Bangg 2001 Käller Bangg 2000 Käller Bangg 1999 Käller Bangg 1998 Käller Bangg 1997 Käller Bangg Melodie Live us dr Beerse 2001 Live us em Spitz 2002 Live us em Spitz 2003 |