Källerbangg  

Käller Bangg 2012

Mit dr Beerse goot s abwärts, vo New York bis uff Lyon,
schnäller abwärts goot s numme no, mit de Pinggt vom FC Sion.

71, 72, -3e, -4e, -5e, 76, 77, 78, 79, 80!
so vyyl Dääg kai Strom in Ziri, uns duet das nit steere,
so duesch ändlig nit meh us däm Provinz-Städtli gheere.

Mach s wie dr William mit dr Kate, hyyrot e Schlanggi mit hybsche Bai,
denn digg und fräch wärde sie doch speeter vo-n-ellai.

My Frau isch e Granate, isch stargg, het kaini Soorge,
numme soll sie fir my nie, so US-Doller bsoorge.

An däm isch nimm vyyl ybrig, s blyybt nimm vyyl zem mässe,
so wie dää usgseht und do hoggt, het dä Fleisch vom Konsum gässe.

S Drämmli Tango wird dauft, s fahrt drotzdäm nit lyyser,
derfir fahrt Dy BLT, efang diräggt in d Hyyser.

Bim ene Kuekampf im Wallis, maint e Bueb zue sym Vater,
sin die hässige Kie dert nit dr Constatin und dr Blatter?

Spass rymt sich uff Gass, doch dr Gass macht kai Spass,
au Klass rymt sich uff Gass, die het är nit, drumm goot dr Gass.

Wenn stoot denn dä Rettigsschirm, froogt d Merggel us em Käller?
Do maint nur dr Sarkozi, jo myne stoot als schnäller.

Im Gündüli stoot ain uff em Dach, wirft Ziegel fascht wie bsoffe,
schaad isch dert zue säller Zyt, nit dr Blocher duure gloffe.

Im Altershaim zem Lamm, sait im Näscht e Alte klar,
die Kälti find ich super, die macht alles styff und starr

D Geburterate im Tessin, dien wiider schlächter luute,
das besseret jetz Gottseidangg, well dr Hakan dert duet schutte.

D Fraue parggiere jetz besser, sait e Studie fir Gäld,
das mag jo no stimme uff eme grosse Fuessball-Fäld.

Dä liggt jetz im Spittel, isch verunfallt, nit bsoffe,
isch aifach numme muetig gsi und yber e Zebra-Streife gloffe.





25 JOOR KÄLLER BANGG

 © by Käller Bangg                                      nach uffe
&test              zer Aafangssyte
    Käller Bangg 2019
    Käller Bangg 2018
      Käller Bangg 2017
    Käller Bangg 2016
    Käller Bangg 2015
      Käller Bangg 2014
    Käller Bangg 2013
    Käller Bangg 2012
      Käller Bangg 2011
    Käller Bangg 2010
    Käller Bangg 2009
      Käller Bangg 2008
    Käller Bangg 2007
    Käller Bangg 2006
      Käller Bangg 2005
    Käller Bangg 2004
    Käller Bangg 2003
      Käller Bangg 2002
    Käller Bangg 2001
    Käller Bangg 2000
      Käller Bangg 1999
    Käller Bangg 1998
    Käller Bangg 1997
    Käller Bangg Melodie
    Live us dr Beerse 2001
      Live us em Spitz 2002
    Live us em Spitz 2003