 |
 |
Käller Bangg 200221, 22, 3-e, 4-e, 5-e, 26, 27, 28, 29, 30.so hän mir letscht Friejòòr aifach emool welle, uff em Wäg zue dr Schmuggmäss die Baustelle zelle. 31, 32, 3-e, 4-e, 5-e, 36, 37, 38, 39, 40. so hän mir hit Zoobe aifach emool welle, uff em Wäg zue do aane die Hanflääde zelle. Dä hoggt do benomme und schimpft jetz: "Bedruug",dä wartet bim Joggeli no als uff e Zuug. Kemme Gwäggi, kunnt Teer, in d Freie Strooss in Bâle? Also das isch mym Fifi denn Schisse-egal.. Scho drei Värs sin duure, d Laarve hän mir no aa, jä jetz waiss e jede, s isch kai Gugge draa. E Piercing in dr Nase, due badänt ich no finde, so kaasch d Frau dehaime am Schittstai aabinde ... Dä liggt jetz im Spittel, es het en bees droffe, derbyy isch är numme, iiber dr Bahnhofblatz gloffe Saag jo nie:" Y zaal nit", nit emoole zem Gspass suscht wirsch uff dr Fääri denn zimlig glyy nass ... D Queen kunnt nimm uff Basel, so duet sie frohlogge, well z Basel au Keenig uff dr Ersatzbangg mien hogge... So verrumpfled wie das Eergeli, luegt myni amme dryy, es klemmt se halt jedes Mool no bim Combino yy. S Färnseh DRS sait dr Fuessball-WM: "Aadée", eso mien mer d Schwoobe denn nit lyyde gseh... Bim Millionelos kai Gligg, denn isch s noonig z spoot, denn holsch Dir d Millione halt als Verwaltigsroot. Dä schafft bi de Styyre, duet nit ebbe Pfuuse, holt dääglig bim Grounding so s letscht us sich uuse. E Schwelle, e Schwelle, e Schwelle, e Schwelle, e Schwelle, e Schwelle, wär het denn die welle? Het dää ebbe Kopfweh und isch e arme Dropf? Nai, är hebt numme ständig sy Handy an Kopf. Bim Buscheli-Fänschter kennt me jetz doch am Morge, z Einsiedle ganz aifach dä Blocher entsorge ... Bim Regierigs-Mikado, wär sich beweggt dää isch umme, het au s letscht Joor scho wiider dr Hamatschu gwunne... Die Segg do fir d Expo sin nit grad e Pracht, im Stil noch het me die doch fir s Dreyfuess Ruth gmacht. © by Käller Bangg nach uffe |
&test |
zer Aafangssyte Käller Bangg 2019 Käller Bangg 2018 Käller Bangg 2017 Käller Bangg 2016 Käller Bangg 2015 Käller Bangg 2014 Käller Bangg 2013 Käller Bangg 2012 Käller Bangg 2011 Käller Bangg 2010 Käller Bangg 2009 Käller Bangg 2008 Käller Bangg 2007 Käller Bangg 2006 Käller Bangg 2005 Käller Bangg 2004 Käller Bangg 2003 Käller Bangg 2002 Käller Bangg 2001 Käller Bangg 2000 Käller Bangg 1999 Käller Bangg 1998 Käller Bangg 1997 Käller Bangg Melodie Live us dr Beerse 2001 Live us em Spitz 2002 Live us em Spitz 2003 |