 |
 |
Käller Bangg 2017Dr Wessels isch kai rächte Maa,wär wott dä Käärli numme haa? Me wird en aifach nimme loos fir d Buschiglappe isch är scho z gross. D Martullo Blocher macht e Kuur, benimmt sich nimme wie-n-e Buur. Sie macht sogar e Schminggkuurs mit doch scheener wird sie drotzdäm nit. Grieni Strich die zaige s Milieu aa, bisch dert kaasch Rootliechtfraide haa. Dehaim heisst “grien” – my Frau het s welle gang dr Kompooscht go uuse stelle. 21, 22, -3e, -4e, -5e, 26, 27, 28, 29, 30! Sovyyl Mool, es isch enorm, isch das Ziri ohni Strom. Dr Strom dä macht nit aifach schlapp, in Ziri lescht s halt jedem ab. Dr Baschi wär e hälle Siech, wenn är nur eppis richtig miech, doch laider duet är - das isch s Schlimme - sy Biire maischtens aabe dimme. Dr Veloring dää wird famos, dr Opa fahrt scho wild druff los. Jetz git s dängg glyy, das wird e Ding, au no e Rolatorring. Die Sex-Studie vom Bund sait klar, Baselbieter sin sonderbar. Sie befriedige sälber sich am maischte, die kenne sich halt kai Partner laischte. S git Auti mit und ohni Strom, das doo fahrt nur autonom. Dr Voordail isch, kunnsch nimm ins Schwitze, s duet kai Frau am Länggraad sitze. Vyyl Woort sait e Frau e jede Daag, d Helfti dr Maa, will är nit maag. Worum das so isch – s muess kain do klaage - me muess de Männer alles 2 Mool saage! Bisch als Zircher Du geboore hesch vo Aafang aa verloore, schlimmer nur - y mach e Wett - schuttisch no bim FCZ. Zerscht längt dr Löw sich an sy Pfyffe, denn an d Naase, muesch s begryffe. S Resultaat duet nit verschregge, d Schwoobe kaa halt kaine schmegge. Uff em Määrtblatz rieft my Sohn: “Lueg Babbe dert, zwai Horror Gloon”. Do saag y die kenne nit derfir, dass sin d Mügg und dr Baschi Dirr. Em Trump sy Gwaaffeer due-n-ich bewundre, är isch thaläntiert – isch ganz e Bsundre. Duet jede Daag uff s nei probiere d Dummhait vom Trump mit Hoor z kaschiere D Frau Merian stoot mit zwai Gugge doo sait und luegt derbyy nit froo: “Wo blyybt dää Kaare, wo zem Gugger, my Maa isch doch e hooche Schugger.” In d Hundeschuel muesch nimme goo, dr Kampfhund muesch dehaime loo. Doch ains begriff ich aifach nit, wieso darf d Schwiegermamme mit? D Merkel maint zem Obamaa laider bisch Du nit my Maa. Doch näämt ich Dy - wird nit muff - au no als my Flichtling uff. Dr Käller Bangg het jetze Duurscht mir wisse zwor, das isch Eich Wuurscht, drotzdäm gehn mir jetz ain go suffe, und pfyffe uff dä ganzi Huffe. 30 JOOR KÄLLER BANGG © by Käller Bangg nach uffe |
zer Aafangssyte Käller Bangg 2019 Käller Bangg 2018 Käller Bangg 2017 Käller Bangg 2016 Käller Bangg 2015 Käller Bangg 2014 Käller Bangg 2013 Käller Bangg 2012 Käller Bangg 2011 Käller Bangg 2010 Käller Bangg 2009 Käller Bangg 2008 Käller Bangg 2007 Käller Bangg 2006 Käller Bangg 2005 Käller Bangg 2004 Käller Bangg 2003 Käller Bangg 2002 Käller Bangg 2001 Käller Bangg 2000 Käller Bangg 1999 Käller Bangg 1998 Käller Bangg 1997 Käller Bangg Melodie Live us dr Beerse 2001 Live us em Spitz 2002 Live us em Spitz 2003 |