Källerbangg  

Käller Bangg 2014

Jetz wisse mer s ändlig, mir liege z friede im Bett,
was unsere Noochber uff dr COOP Bangg het.

Dä Bääse uff däm Schild, das isch sunneklar,
stellt uff däm neie Zaiche, aifach d Frauequote dar.

21, 22, -3e, -4e, -5e, 26, 27, 28, 29, 30!
halt, halt, halt, halt, halt, heeret sofort uff zelle,
mee Stroosse het s nimm ooni 2,3 Baustelle.

Die Aazaige do dien no allewyyl strigge,
kai Wunder wenn d Scheffe Sex-Foteli schigge.

Die Bio-Klabbe gehn nit immer, das macht uns scho Soorge,
wie kenne mir jetz no – dr Morin entsoorge.

Nei sottsch mit Liecht faare, d Waggis faare lieber schnäller
und de Ziircher duet s nit nitze, die wärde nit häller.

Ihr frooget Eych sicher, was soll die Lyynie nitze?
Ihr dien nonem Schiri sicher nit im Offside sitze.

Kumm y vom Uusgang spoot haim, sottsch my Frau denne gheere!
Was kaa-n-y derfiir, wenn sie d’Innerstadt sperre?

An dr Langstrooss in Ziiri froogt e Grytte: „Hesch welle?“
Ganz dieff bi ihre inne duet e Schugger s Gäld zelle.

Das faade Bild basst zem Baschi , wyss was glaischtet hesch,
s ainzig farbig uff däm Helge kunnt vo dynere Wesch.

Im Joggeli kaa me sitze, do muess me nit stoo,
und mänggmool dien sie no ain am Sail aabeloo.

E Bagger straift e Brugg, mir finde das glatt,
so setzt me e Wältstadt wie Ziiri Schachmatt.

Vo dääne Ziircher hän mir, jo wirgglig nie rueh,
drumm macht jetz – e Kraane – au dr Belche no zue.

Wo d Merggel fliegt uff s Schassi, dr Obama duet s nit steere.
„Nit so schlimm, yes we can sie immer no gheere.“

Dr Baapscht goot in Bangsioon, nit diräggt zem liebe Gott,
das zaigt, dass au är doch die Schwoobe nit wott.

Am Bachgraabe entsorgt ain e grossi Giftschlange,
do bi-n-y mit Mynere au dert aane gange …

Schlimmer isch als e Ross in dr Lasagne duet ände,
wenn dr COOP dyni Bangguusziig an Fremdi duet sände.

21, 22, -3e, -4e, -5e, 26, 27, 28, 29, 30!
das isch ebbe d Aazahl, s isch gar nit zem Lache,
wo mit em Wessels in Stoggholm wänn Feerie go mache.





27 JOOR KÄLLER BANGG

 © by Käller Bangg                                      nach uffe
             zer Aafangssyte
    Käller Bangg 2019
    Käller Bangg 2018
      Käller Bangg 2017
    Käller Bangg 2016
    Käller Bangg 2015
      Käller Bangg 2014
    Käller Bangg 2013
    Käller Bangg 2012
      Käller Bangg 2011
    Käller Bangg 2010
    Käller Bangg 2009
      Käller Bangg 2008
    Käller Bangg 2007
    Käller Bangg 2006
      Käller Bangg 2005
    Käller Bangg 2004
    Käller Bangg 2003
      Käller Bangg 2002
    Käller Bangg 2001
    Käller Bangg 2000
      Käller Bangg 1999
    Käller Bangg 1998
    Käller Bangg 1997
    Käller Bangg Melodie
    Live us dr Beerse 2001
      Live us em Spitz 2002
    Live us em Spitz 2003