 |
 |
Käller Bangg 2018Bi Raschtstatt sin die Glais verbooge,s fahrt kai Zuug me, s isch nit glooge, Fir vyyli bleed, doch mir sin froh, so kenne kaini Schwoobe koo. S Rhyschwimme find ich aifach doll, macht gligglig und isch wundervoll. So scheen, es wird uns als wie klarer, im Rhy hesch kaini Velofahrer. Am WEF isch das Joor ebbis los s Drampeldier kunnt uff Davos. Do maint doch ain, s wär no famos, gieng jetz grad e Lawine los. 71, 72, -3e, -4e, -5e, 76, 77, 78, 79, 80! So oft die Wärbig, s glaubt s kai Sau, vo Fischer Duvet do vo Au. Sie rupfe derte Gäns wie gsteert, Canepa kunnt dängg au vo deert. Leggsch d Hand an e Frau, so bisch e Phagg sie gheert au nit in Hoosesagg, Was machsch mit dr Hand halt in dr Noot? Schloosch dr Fringer halber z doot. Dr Constatin schloot dr Fringer zämme duet sich nochhär kai bitz schämme. Är isch aifach zue-n-em aane gloffe, schaad het är nit dr Wessels droffe. Uff d Merggel dien sie Dommaate schiesse, dr Saft duet sich yber sii ergiesse. Mir finde s feig, dien s nit verhääle. die Daame kaasch jo nit verfääle. D Unseco duet d Basler Fasnacht schetze, d Luzärner dien scho d Mässer wetze. Unseri nyydige Zircher Frinde kennt me eh samt Böög aazinde. Soll me Burka jetz verbiete? Waisch nie was sie drunter hiete. Mir finde s wurd sich guet verdraage, Martullo-Blocher wurd aini draage. Kumm in Schuel, bring Frau au mit, well Moslem Du, ah das goot nit! So aifach Dytsch, das deent doch lätz, so het doch friehner d Hinggis gschwätzt. Dr Wind bloost mir dr Balggoon läär Dr Grill ewägg! Es bloogt my schwäär. „Frau gang uuse, das muesch gseh!“ Em Sturm sei Dangg – sie isch niene meh! Mohrekopf darfsch nymme saage. D Nääger dien sich suscht beklaage Drumm heisst YB – jetzt isch's duss Ab sofort FC Schoggokuss Luegsch aini e bitzli länger aa, denn kunnsch vo Gsetzes wääge draa D Aggermaa duet sich beklaage, wie gäärn wurd sie au "MeToo" saage E Leerbricht schryybe sotte d Leerer, zem lääse sin die no vyyl schwäärer. S begrifft s kai Sau, me hätti selle, mit Emojis dä ganzi Saich darstelle. Hesch Dy sexuell vergryffe, wirsch mit MeToo jetz verpfyffe. Froogt uns ain jetz vo däm Huffe, MeToo gehn jetz ain go suffe. 31 JOOR KÄLLER BANGG © by Käller Bangg nach uffe |
zer Aafangssyte Käller Bangg 2019 Käller Bangg 2018 Käller Bangg 2017 Käller Bangg 2016 Käller Bangg 2015 Käller Bangg 2014 Käller Bangg 2013 Käller Bangg 2012 Käller Bangg 2011 Käller Bangg 2010 Käller Bangg 2009 Käller Bangg 2008 Käller Bangg 2007 Käller Bangg 2006 Käller Bangg 2005 Käller Bangg 2004 Käller Bangg 2003 Käller Bangg 2002 Käller Bangg 2001 Käller Bangg 2000 Käller Bangg 1999 Käller Bangg 1998 Käller Bangg 1997 Käller Bangg Melodie Live us dr Beerse 2001 Live us em Spitz 2002 Live us em Spitz 2003 |