 |
 |
Käller Bangg 2000Em Minu duet s gfalle, Drämmli siesser und häller,doch macht das die Schlitte kai bitzeli schnäller. Wotsch abnää mit Xenical, zaalt ney d Granggekasse, eso kaa sie jetze au Dreyfuess goo fasse. Är sitzt nur still do, wott nit emol laufe, jetz dien mer en glaubi halt au Urschrey daufe. D Vogelwaarte in Sämpach, die macht jetz ai Gschrei, sytdäm Claramatte isch ganz Vogelfrei. Är isch nimm Beamte, fir ihn isch das doof, jetz fäält em bis Zoobe dr gsund Byyrooschloof. D Bòscht schloot wiider uff, das macht uns no wee, doch was lènger duet duure, das koschtet halt mee. Jetz goot s nimme lang, sait mir do dr Bappe, denn zaahlsch glyy pro Briefli verdèggel e Lappe. Uff so Rähmli mit Schnyder, verspyyr ich e Drang, denn an de Turnier als, gseesch sie nie eso lang. Dr Kohl hebi friener schyynts Gälder verstèggt, wòòrschyynlig het s dä doch in syy Ranze gstèggt. Unseri Schwyzer Schiifahrer kèère yy nonem staarte, jä die wisse dass dùnde dr Hüppi duet waarte. Wo dr Altglas-Magnet iiber s Trottoir duet schwääbe, duet Aini mit Piercing an däm unde glääbe... In der Wäärggstadt vo Basel dien au Goldschmiede ände, jetz due ich doch dääne my Goldfischli spände. Die Frau Merian isch efang jede Daag muff, sie bikunnt uff die E-Mail kai Briefmargge druff. Bi de neye Kabine, heersch nur no Stroooss rusche, und wenn s grad duet räägne kaasch gratis no dusche. In Ziiri wänn sie jetz bròbiere Wie s wär mit sälber operiere So darfsch jetze sälber schnyyde, muesch nur Härz und Lunge myyde, au Ärm kaasch wiider aanedräggsle, darfsch nur d Syte nit verwäggsle, Hesch zvyyl Hirni, spänd e wenig, dängg vo däm hän d Ziircher zwenig. So könnt denn, das wär e Pracht, dr Ponte zèlle bis uff acht. 21, 22, -3e,-4e, -5e, 26, 27 28, 29, 30: bis denne findet, das wird glatt, unseri Expo sicher statt. Die Koch luegt bi de Waahle yy, bim Halloween wär die derbyy, es hät nur gfäält, es wär fatal, Dreyfuess als Plastinat in Bâle ... © by Käller Bangg nach uffe |
&test |
zer Aafangssyte Käller Bangg 2019 Käller Bangg 2018 Käller Bangg 2017 Käller Bangg 2016 Käller Bangg 2015 Käller Bangg 2014 Käller Bangg 2013 Käller Bangg 2012 Käller Bangg 2011 Käller Bangg 2010 Käller Bangg 2009 Käller Bangg 2008 Käller Bangg 2007 Käller Bangg 2006 Käller Bangg 2005 Käller Bangg 2004 Käller Bangg 2003 Käller Bangg 2002 Käller Bangg 2001 Käller Bangg 2000 Käller Bangg 1999 Käller Bangg 1998 Käller Bangg 1997 Käller Bangg Melodie Live us dr Beerse 2001 Live us em Spitz 2002 Live us em Spitz 2003 |