 |
 |
Käller Bangg 2019Dr Donald Duck find ich e hit,dr Trump hingege eenter nit. Ebbis gmainsaams hänn die zwai, nit im Kopf und kuurzi Bai. Negro darfsch hit nimme saage, d Nääger dien sich sunscht beklaage. Drumm haisst die Gugge, jetz isch s duss, ab sofort Rhygass Schoggokuss. Uff dääre Wält doo wird z vyyl gässe, ibergwichtig wirsch vom Frässe. Au z Baasel, s isch glatt zem vergässe, dien sälbscht Drämmli d Schyyne frässe. 21, 22, -3e, -4e, -5e, 26, 27, 28, 29, 30! die Zahle dien uns doch erstuune, sie mache nit grad gueti Luune. dr Wessels wott s nit iberdryybe, so vyyl Pharggblätz wärde blyybe. Dr Trump dä trifft dr Bundesroot und froogt dr Ueli, wie’s so goot? “You are Maurer and au e Stuure? Denn come with me, y bruuch e Muure.” Dr Pfarrer Küng dä wär gärn koo und het derzue verluute loo: „Fiess massiere wurd jo nit steere.“ Es froogt sich, wo die Fiess uffheere? Dummi Kueh das gheert verbotte, PETA wott so Sprich usrotte. Lahmi Änte, gaili Sau, Katz im Sagg und stolze Pfau, Eesel am Bäärg und Rossgebiss, Hahn im Koorb, me macht ai Gschiss. Doch blyybe duet vo allne Sache, dehaim no unsere alte Drache. Dr Pinoccio isch famos, sy Naase wird als mächtig gross, doo miesst allem Aaschyyn aa, Pegoraro no die lengeri haa. Dr Brexit isch fir Theresa May e Strample grad mit baide Bai. E Bâlexit, so lueg ich s aa, wär ebbis guets fir d Aggermaa. Vyyl Fraue dien ständig MeToo saage, und sich yber d Männerwält beklaage. Die glyche Hiener, s isch zem laache, wänn in ere Männer-Zumft mitmache. Mir dien halt all Oobe bätte: „Liebe Gott, Du bisch e Nätte und gäll, es isch doch au Dy Wille, im Grossrootssaal do sollsch nit Stille.“ D Frau Merian wott uff s Drämmli goo, bi de griene Strich do blyybt sie stoo. „Jeemer nai,“ sait sie zue sich „in myym Alter goosch nimm uff e Strich.“ D Orang Utan hän, so het me gheert, duur Gitter duure sich vermeert. Duet das de Affe so guet glinge, wurd e Haag um Ziri au nit bringe. Uff d Meggel dien e huffe schiesse, sie muess für das und jenes biesse. Nur dr Fluugblatz Berlin, es glaubt s kai Sau, stoot no gschlosse hinder dääre Frau. Wenn dr Trump eso duet twittere, duet die ganzi Wält scho zittere. Mir twittere jetz do zue däm Huffe: „Mer haues ab jetz ain go suffe.“ 32 JOOR KÄLLER BANGG © by Käller Bangg nach uffe |
zer Aafangssyte Käller Bangg 2019 Käller Bangg 2018 Käller Bangg 2017 Käller Bangg 2016 Käller Bangg 2015 Käller Bangg 2014 Käller Bangg 2013 Käller Bangg 2012 Käller Bangg 2011 Käller Bangg 2010 Käller Bangg 2009 Käller Bangg 2008 Käller Bangg 2007 Käller Bangg 2006 Käller Bangg 2005 Käller Bangg 2004 Käller Bangg 2003 Käller Bangg 2002 Käller Bangg 2001 Käller Bangg 2000 Käller Bangg 1999 Käller Bangg 1998 Käller Bangg 1997 Käller Bangg Melodie Live us dr Beerse 2001 Live us em Spitz 2002 Live us em Spitz 2003 |