Källerbangg  

Käller Bangg 1999

Die Klages als V-Frau, das find ich perfäggt,
isch scho wäg dr V-Form fir dää Boschte bräggt.

Isch die Graziella jetz ächt doch e bitzeli,
e spitzes gspitzts oder ungspitzts Spitzeli?

Findisch in däm Wooghof grad kaine wo schafft,
denn sin sie woorschyynlig in Lieschtel in Haft!

Mit däm Bär setzt me jetze uff e neyi Kaarte,
well Bäre doch aifach geduldiger waarte.

E Asylant winggt, dr Soldat duet sich riere,  
denn rieft er: „Kumm yyne, muesch dusse nimm friere.“

Dä Charles isch no ungreend und das drotz sym Alter,
derby het är doch vo Geburt uff scho d Halter.

Zue syner Frau heersch grad dr Schnyder Karl huuche:
„My wänn sie fir d Wärbig fir die blau Aggtie bruuche.“

„Mer geen nimm ins Wallis,“ maint s Rutli zem Rolf,
„s letscht Joor dä Gaier und das Joor e Wolf.“

In Leipzig dr Luminator, fir d Schwoobe e Hit,
well s jetz au im Dytsche e hälle Dyp git.

Im Fed-Cup macht d Hinggis fir d Schwyz nimme mit,
well s kai Iibersetzer fir s Interview git.

Het nit ain vo Eych e Viagra dehai?
Denn ständi mi (Helge-)Ständer vilicht au elai!

Hesch Du e Gebräche, muesch dorum ins Spittel,
so stegg Dir dehaime d Arztnei no in Kittel.

D Frau Merian kauft sich alli Weerterbuech-Bänder,
si bikunnt jo verglemmi nur türkischi Sänder.

Fir sälteni Sache do zaahlsch aifach mee,
bi dääne baar Gööli au - bim FCB.

Dr Koller und Cotti, die wänn dieffer schalte,
eso bliibt ys laider no Dreifuess erhalte.

Doch het s au sie guets, y muess das do saage,  
wär wurd suscht au Glaider vo de Sammlige draage?

Unser Comité paggd uss, so duets das Joor luute,
Erspaaret ys dää Aabligg doch uff dr Ruute ...!

Gwisse Aarte vo Veegel goot s jetze scho mieser,
sit Baim sich au schytze mit dääne Pariser.

Em Clinton sy Dochter, die isch ganz verruggt,
het doch die Lewinsky ihre Brueder verschluggt.

 © by Käller Bangg                                      nach uffe
&test              zer Aafangssyte
    Käller Bangg 2019
    Käller Bangg 2018
      Käller Bangg 2017
    Käller Bangg 2016
    Käller Bangg 2015
      Käller Bangg 2014
    Käller Bangg 2013
    Käller Bangg 2012
      Käller Bangg 2011
    Käller Bangg 2010
    Käller Bangg 2009
      Käller Bangg 2008
    Käller Bangg 2007
    Käller Bangg 2006
      Käller Bangg 2005
    Käller Bangg 2004
    Käller Bangg 2003
      Käller Bangg 2002
    Käller Bangg 2001
    Käller Bangg 2000
      Käller Bangg 1999
    Käller Bangg 1998
    Käller Bangg 1997
    Käller Bangg Melodie
    Live us dr Beerse 2001
      Live us em Spitz 2002
    Live us em Spitz 2003