 |
 |
Käller Bangg 2016Drotz dr zwaite Huft.OP isch dr Wessels guet druff,so ganz no sym Moddo: „Ai Loch zue und ains uff.“ Bis so-n-e Spyyskaarte à la Berset studiert hesch in Rue, denn waisch zwor was dinn isch, doch Baiz macht denn zue, 71, 72, -3e, -4e, -5e, 76, 77, 78, 79, 80! sovyyl Pharggblätz stäärbe dääglig, wo soll me pharggiere? Am Beschte wird s dängg syy, duesch dy Kaare halbiere. Fir 34 Stutz kaasch uff Londe und dert go flaniere oder ganz aifach in Baasel e Nacht lang parkiere. Uff s Standesamt muesch z Fuess, uff däm Wääg muesch lyyde, denn bis ändlig dert bisch, bisch maischt wiider gschyyde. So Tattoo’s am ganze Keerper sinn braggdtisch zem schängge, denn kaasch eso dy Alte als Kunschtwäärgg uffhängge. E Noochfolg fir dr Sepp het d FIFA glaub nooni, drumm fiere si erschti Gspreech jetz mit em Berlusconi. Vo-n-ere Wuurscht bisch glyy Dood, do sin mir is im klaare, scheen schwarz und verkoolt grilliert, so kaasch dir d EXIT spaare. Ych hogg vor em Fäärnsee und lyyd Hellegwaale, für dä Mischt wo die sände, muesch dr Billag no zaale. Underhoose us Wulle, e wunds Fiidle ha-n-y hösch! Do froog ich schnäll Myyni: “Isch das jetz Reizwesch?” Schyynt d Sunne im Sommer, losst me niemerts im Waage, allefalls d Schwiigermamme, d Drache dien d Hitz verdraage. Unsere Goldfisch haisst Baschi, mir saage wieso, denn wurdisch däm Siech riefe, är wurd au nit koo. Am Spaalebäärg hoggt uff eme Boller dr Wessel’s, die Fyyge, und hofft dass mit em Boller au syy Nyywoo wurd styyge. Faarsch uff Baasel mit em Kaare und s straalt Dy so aine aa, denn waisch es ganz sicher, s wird kai Pharggblatz haa. Wäg däm Abgasskandal, hän vyyl e schlächts Gwisse, do saag ich zue Mynere:“ Also Du hesch au bschisse.“ Unsere Goldfisch kennt sicher, s wurd au kaine lache, so still und disgreet am Drummeli mitmache.. 21, 22, -3e, -4e, -5e, 26, 27, 28, 29, 30! Vor gnau sovyyl Joor, y maag scho nimm zelle, hät dr Sepp Blatter scho uffheere selle. Du froogsch Dy jetz sicher, was das do hätt solle, Check s denn nit, ich bi vom Drummeli d Hauptrolle 29 JOOR KÄLLER BANGG © by Käller Bangg nach uffe |
zer Aafangssyte Käller Bangg 2019 Käller Bangg 2018 Käller Bangg 2017 Käller Bangg 2016 Käller Bangg 2015 Käller Bangg 2014 Käller Bangg 2013 Käller Bangg 2012 Käller Bangg 2011 Käller Bangg 2010 Käller Bangg 2009 Käller Bangg 2008 Käller Bangg 2007 Käller Bangg 2006 Käller Bangg 2005 Käller Bangg 2004 Käller Bangg 2003 Käller Bangg 2002 Käller Bangg 2001 Käller Bangg 2000 Käller Bangg 1999 Käller Bangg 1998 Käller Bangg 1997 Käller Bangg Melodie Live us dr Beerse 2001 Live us em Spitz 2002 Live us em Spitz 2003 |