 |
 |
Käller Bangg 2010Bim Lips wärde d Schugger glyy rosa draage miesseund denne statt mit Gummischrott, mit Wattebeuschli schiesse. 71, 72, -3e, -4e, -5e, 76, 77, 78, 79, 80! mindeschtens sovyyl Santimeeter, s isch laider kai Scherz, isch Pinocchio-Naase vom Bundesroot Merz. No dr Glatze vom Gross, kunnt e Lääderarsch do aane, das duet aim e weneli ans Gsicht vom Gigi maane. Du darfsch nit ebbe dängge, dr Morin sigg am Pfuuse, he nai, dä holt aifach, so s letscht us sich uuse. D Frau Merian duet sich frooge, fasst sich derbyy an s Ränzli, hän bi dääre Säuligrippe, d Männer ächt Ringelschwänzli? An dr WM gheersch Tröte, mir finde das duet Fätze, eso gheersch fir zwai Stund kai Zircher meh schwätze. Welle Aff het das Dach baut? Dr Letzi gheit us de Fuege! S spielt zwor jo kai Rolle, s goot doch kain goo luege … Dr Zoo Ziri duet syni Affe, no Afrika expandiere, Mir wurde d Affe bhalte und Zircher exportiere. Dr Couchpin sin mer loos, är het aifach nimm gniegt. Im Dytsche hätte mir fir ihn, e Abfragg-Prämie kriegt. Basilisgg gheert jetz em Haagmaa, das macht uns scho Soorge. Denn s Radio kaasch jo nit, wie BaZ, im Altbapyyr entsoorge. Y wach uff under dr Deggi, mit em e Ständer im Bett, do froogt d Frau: "Fallt das nit, au under s Minarett"? Siebe kugelerundi Säu, sueche s Virus do im Heu, wo sie s ghaa hän, dien sie schimpfe, sie warte immer no uff s impfe .... 9 glaini Verwaltigsreet und ai Scheff vo dr Bòscht dr Scheff isch ab em Phäggli gheit, die andere saage: "Broscht". 9 glaini Verwaltigsreet, die wänn die Sach bedegge, aim blyybt derby e Hug Zwiebagg gweer im Hälsli stegge. 8 glaini Verwaltigsreet, die blyybe wyter hogge, aine wott uff Fasnachts-Margge zem mit em Huet frohlogge 7 glaini Verwaltigsreet, gehn uff e Booschduur mit, laider isch au aini drunder, wo s scho gar nimm git. 6 glaini Verwaltigsreet, die suffe ain um d Wett, dr Bescht dää liggt hitte no immer flach im Bett. 5 glaini Verwaltigsreet, die sotte sich vermeere, doch ai Briefkaschte dien sie halt am Wucheänd nimm leere. 4 glaini Verwaltigsreet, sotte e Brief franggiere, aine kaa sich das nit laischte, drumm dien s en nit spediere. 3 glaini Verwaltigsreet, mien e Nümmerli haa zem waarte, ai Nummere druggts aber falsch, dä isch no als am waarte. 2 glaini Verwaltigsreet, dien Brief uff s Deffli laade, aine het no fimf Minute vom Deff e Ohreschaade. 1 grosse Verwaltigsroot, fascht hätte mer s vergässe, dää het sich an de andere massloos yberfrässe. 23 JOOR KÄLLER BANGG © by Käller Bangg nach uffe |
&test |
zer Aafangssyte Käller Bangg 2019 Käller Bangg 2018 Käller Bangg 2017 Käller Bangg 2016 Käller Bangg 2015 Käller Bangg 2014 Käller Bangg 2013 Käller Bangg 2012 Käller Bangg 2011 Käller Bangg 2010 Käller Bangg 2009 Käller Bangg 2008 Käller Bangg 2007 Käller Bangg 2006 Käller Bangg 2005 Käller Bangg 2004 Käller Bangg 2003 Käller Bangg 2002 Käller Bangg 2001 Käller Bangg 2000 Käller Bangg 1999 Käller Bangg 1998 Käller Bangg 1997 Käller Bangg Melodie Live us dr Beerse 2001 Live us em Spitz 2002 Live us em Spitz 2003 |