Källerbangg  

Käller Bangg 2003

Sie kloone jetz Mensche, perfäggt duet me loobe,
eso kaa me hoffe, s gäb bald kaine Schwoobe.

D Zircher wänn uff e Mässturm, dä kraacht us de Fuege,
numme so mien sie nit ständig zu uns uffeluege.

Dr Monolith isch nimm z haa, Gänf hät en gärn kauft
und denne ganz passend in Dreyfuess umdauft.

E Natel zer Wienacht, die Fraid haa-n-ere gmacht
so kaa-n-y ständig frooge, was sie im Huushalt grad macht.

Luut PISA kaa dr Hansli wäder rächne, no s ABC,
denn z Basel lehrt dr Hansli halt zerscht s FCB.

Steen uff, wenn ihr Basler sin,
steen uff, wenn ihr Basler sin,
steen uff, wenn ihr Basler sin,
steen uff !

Fir dr Bush lauft Zyt ab, wieso isch nit schwäär,
woorschynlig het dää doch dr Haizeeltangg läär.

Männer dringget nit z vyyl, s isch nit wägem spaare,
aber suscht schwätzet ihr wie d Wyyber und kennet nimm fahre.

D Frau Merian klagt, s git fascht kaini Stelle
zem Gligg lääb y z Basel, doo git s no Baustelle.

Dr Ängel ohni Zimmer luegt ganz ängschtlig dryy,
denn am Morge und Zoobe fliegt d Metzler verbyy.

"Draisch Du jetz au Piercing?", froog y myni ganz schlicht.
"Nai, y kumm grad vo Lausanne und haa Spuggi vom Gricht."

Deents au us Dym Färnseh, mänggmool so wie lottere,
denn sin grad die Daame vom Meteo am stottere...

21, 22, 3-e, 4-e, 5-e, 26, 27, 28, 29, 30
Das gheersch jede Sunntig, wenn denne e Helle,
in Ziri im Stadion die baar Schnäuz duet zelle.

Us dr Glasfähri gshesch dy Frau us em Rhy hilflos wingge;
denn wingg ere zrugg und denn lòsch sie singge ...

D Alinghi fahrt super, s duet d Säägel arg schluuche,
als Ersatz dien sie d Glaider vom Dreyfuess Ruth bruuche.

16 JOOR KÄLLER BANGG

 © by Käller Bangg                                      nach uffe
&test              zer Aafangssyte
    Käller Bangg 2019
    Käller Bangg 2018
      Käller Bangg 2017
    Käller Bangg 2016
    Käller Bangg 2015
      Käller Bangg 2014
    Käller Bangg 2013
    Käller Bangg 2012
      Käller Bangg 2011
    Käller Bangg 2010
    Käller Bangg 2009
      Käller Bangg 2008
    Käller Bangg 2007
    Käller Bangg 2006
      Käller Bangg 2005
    Käller Bangg 2004
    Käller Bangg 2003
      Käller Bangg 2002
    Käller Bangg 2001
    Käller Bangg 2000
      Käller Bangg 1999
    Käller Bangg 1998
    Käller Bangg 1997
    Käller Bangg Melodie
    Live us dr Beerse 2001
      Live us em Spitz 2002
    Live us em Spitz 2003