 |
 |
Käller Bangg 2007Dr Costanzo wird besser, mir mien nimme bange,dr Gross schiggt ihn an d Fasnacht Orange goo fange. Pfahlbauer bringt s Fäärnsee, jee, das isch denn niedlig, jä Ziiri isch no allewyyl e Pfahlbauer-Siedlig. 71, 72, -3e, -4e, -5e, 76, 77, 78, 79, 80! Das isch ebbe d Hèlfti, wyter wänn mer nit zelle, vo dr Schneidere ihre baar Summerbaustelle ... Wieso bisch au gsèggled und duesch jetz so hächle? Mir isch doch grad s Dramm ab und sott jetz no lächle. D Frau Merian im Bahnhof, kunnt im Laade grad draa, "Y sott no so e Gùgge voll Blöcherli haa." Sie blitze wie wild, mir finde s e Witz, oder kennsch Du e Schugger wo het Gaischtesblitz? Dr FCB Kaare, dää fahrt ohne Gspyyr, isch jo kai Wùnder, e Frau isch am Styyr. Unsere Fisch hòggt stumm im Glaas, hofft dass en kain Fräss. E Kandidat wär dä soo doch fir an Swissair-Prozäss. Dr Böög isch verschwunde, isch wäder z Basel no z Bärn. Isch jò au logisch, wär het e Ziircher scho gärn? Dr Kyrill wietet im Dytsche, losst d Lòggene loo stoo, ebbis guet s het s aber do draa, so kaa kai Schwoob me koo. No dr WEF-Demo het, em Gryff dr Kòpf brùmmt, "Sälber dschùld," maint e Schugger "me goot nit vermùmmt." Im rächne ganz schwach, was bliibt em Hansli no uff Äärde? dr Lèèrer duet en dreeschte: "Kaasch jo no Nati-Trainer wäärde." >>> und isch dr Nati-Trainer Job halt scho vergää, so kaasch allewyyl no s BauDep ybernää .... Isch s Gigi am Dèssèèr, so maint wysawyy d Lehmee, "Y waiss nie isch s d Oeri oder e Schissle brènnti Grääme." Y hèère e Glèggli, das lyttet so nätt, es isch d Hòchzytsglògge, denn geend sie ins Bett, Im Bett dien sie rammle, s het kaine e Rògg, wär isch denn bim Minu als amme dr Bògg? >>> Dangg dääre dolle Räägewand isch das Joor kai Fyynstaub umenand ... 20 JOOR KÄLLER BANGG © by Käller Bangg nach uffe |
&test |
zer Aafangssyte Käller Bangg 2019 Käller Bangg 2018 Käller Bangg 2017 Käller Bangg 2016 Käller Bangg 2015 Käller Bangg 2014 Käller Bangg 2013 Käller Bangg 2012 Käller Bangg 2011 Käller Bangg 2010 Käller Bangg 2009 Käller Bangg 2008 Käller Bangg 2007 Käller Bangg 2006 Käller Bangg 2005 Käller Bangg 2004 Käller Bangg 2003 Käller Bangg 2002 Käller Bangg 2001 Käller Bangg 2000 Käller Bangg 1999 Käller Bangg 1998 Käller Bangg 1997 Käller Bangg Melodie Live us dr Beerse 2001 Live us em Spitz 2002 Live us em Spitz 2003 |