 |
 |
Käller Bangg 2013Saiffibleeterli fliege dr Merian in ihri zwai Däsche,do maint sie ganz hässig: "Duet dää Baschi wiider wäsche?" Dr Baschi Dürr duet scho lang, am Frytig im Weschhuus stoo, woorschyynlig het s em dooderbyy, d Hoor in d Schwingi gnoo. Dr Muurer maint ganz stolz:" mir hänn die bescht Armee." dä maint dängg do sicher d Muusigg vo dr Hailsarmee. 21, 22, -3e, -4e, -5e, 26, 27, 28, 29, 30! das isch ebbe d Aazahl, jä s duet wie verruggt laufe, wo die gyyrige Schwoobe no an Styyr-CD s kaufe. D Ydee vom ene Babyfänschter, duet in Lieschtel d SVP hege, die wänn dängg deert gläägentlig dr Balmer yyneleege. In dr Faltewält im Spiilzyygwälte, hän mer bi de Seerviete unde au no e baar Falte vo dr Gigi Oeri gfunde. Grien, griener, am grienschte oder doch numme griener? Mir drei wurde s schetze, s Drämli käm aifach friener! Dr Muuri isch neie Trainer, sie schutte fascht famos und mir sin dangg ihm au no ai Schweebli los. Dä Rambass uff dr Blaggette, dä luegt voller Gyyr, sy Kienbääse isch drogge, doch s Gäld fäält fir s Fyyr. D Frau Sarasin froogt d Frau Merian, ob sie au soone App heeb, do maint d Frau Merian: "nadyyrlig, haa-n-ich au soone Depp". Dr Max isch immer kiirzer gflooge, isch in Spannie vo uns gange. Ebbe glyych wie em liebe Max isch es au dr Hello gange. Du darfsch nit ebbe dängge, dää do sigg am pfuuse, nai, dangg däm gehn allewyyl e baar bim Wooghof uuse. Speedy Boarding git s bi Easy-Jet gaar bim Fluug uff Lyon. Das Speedy Boarding kenne au Trainer bim FC Sion. Dooping het dr Armstrong gnoo, s duet staargg uff d Laischtig wiirgge, schaad dien die vyyle Cupli nit bim Morin s glyych bewiirgge. Dr Per Staibrügg duet mit dr Gaawallerie in Berlin usse waarte, bleed fir ihn, dass no allewyyl kai Flieger dert kaa staarte. Well in Berlin no lang kain kaa staarte, mien halt alli ummestoo, drumm hän sie die Gaawallerie in d Lasagne yyne doo. 26 JOOR KÄLLER BANGG © by Käller Bangg nach uffe |
zer Aafangssyte Käller Bangg 2019 Käller Bangg 2018 Käller Bangg 2017 Käller Bangg 2016 Käller Bangg 2015 Käller Bangg 2014 Käller Bangg 2013 Käller Bangg 2012 Käller Bangg 2011 Käller Bangg 2010 Käller Bangg 2009 Käller Bangg 2008 Käller Bangg 2007 Käller Bangg 2006 Käller Bangg 2005 Käller Bangg 2004 Käller Bangg 2003 Käller Bangg 2002 Käller Bangg 2001 Käller Bangg 2000 Käller Bangg 1999 Käller Bangg 1998 Käller Bangg 1997 Käller Bangg Melodie Live us dr Beerse 2001 Live us em Spitz 2002 Live us em Spitz 2003 |